البرادعي ورأيه في التعديلات الدستورية

فعلا لازم نبتدي علي نضيف

ياعم فكك من الراجل ده...ولا انتو مش بتحبو غير القرع

وافكني منه ليه؟؟

القرعه دي مش من فراغ يا بومبو ده دماغه ذرية

الراجل مقلش اي حاجه غلط

بص يا ريس انا مقرتش عن الراجل ده عشان كده محكمش عليه...بس هو مينفعش رئيس يا جابر

bembawy كتب:: بص يا ريس انا مقرتش عن الراجل ده عشان كده محكمش عليه...بس هو مينفعش رئيس يا جابر

ازاي بتقول انك مقرتش عن الراجل ده عشان تحكم عليه وبعدين تقول مينفعش ريس انت بتناقض نفسك كده

يا عم مانا عارف عنه برده مش جهل يعنى.....بس انا بقلك انى معرفتوش كويس يعنى

ياعم ارحمنى بقى يا جابر ده مش عارف يتكلم عربى

وبيلقلق فى كلامه هيحكم شعب عربى ازاى

والله هو ما وحش بس مش الافضل واحنا عاوزين الافضل

ومش البرادعى خالص وفعلا لازم نبدأ على نضيف

انا مع رأي على وبمبو بس ممكن يكون وزير

ارحمك من ايه يا علي ؟؟؟؟ انا جايب فيديو ايه الي فيها يعني؟؟
وبعدين مش عارف يتكلم عربي ازاي؟؟؟ واللقلقه دي خلقة ربنا هتعاتبه هو ؟؟
انا من وجهة نظري هو افضل المترشحين لحد دلوقتي وكلامه عجبني يكفيه انه الوحيد الي جتله الجرئه انه يترشح قدام حسني محدش عملها زيه غير ايمن نور هاتلي واحد من المترشحين كان يقدر يفتح بقه بس ويقول انه هيترشح قدام حسني غير نور والبرادعي
البرادعي سبب حرك سياسي كبير في مصر عرفت ليه هو الأفضل لحد دلوقتي
المفكرين السياسين من وجهة نظرهم انه هو الأصلح

طيب يا جابر اتفرج على حمدين صباحى

وابقى كلمنى طول عمره ضد مبارك وضد نظامه

طول عمره فى كل المظاهرات

يوم 6 ابريل كان موجود وكان بيقود الثوره

بعد وفاة خالد سعيد طلع وعمل مظاهره وكان بينادى

بمحاكمة حبيب العادلى وهو لسه وزير الداخليه

وكلنا نعلم من هو الملك حبيبى العادلى وهو فى منصبه

وانا عليا انى هجيبلك الفيديوهات بتاعة حمدين صباحى

واللقلقه ده مش عشان عيب فى لسانه انما عشا العربى بتاعه بايظ

لو سمعته وهو بيتكلم انجليزى مش هتلاقى اللقلقه موجوده

سؤال يا علي
حمدين صباحي كان يقدر يقول انه هيرشح نفسه في الإنتخابات ضد الرئيس؟؟؟
مصر كلها يا علي كانت مقلوبه بعد وفاة خالد سعيد مش هو لوحده الي طالب بمحاكمه حبيب العادلي
وبعدين ما الإخوان من سنة 81 وهما بيقولو لأ لحسني
وحتي لو بيتكلم كويس في الإنجليزي ما ظروف شغله هي الي حكمت عليه ان لغته الأولي انها تبقي انجليزي
ده لما واحد فلاح يا علي بينزل المدن لسانه بيتعوج ولما واحد مصري ينزل من الخليج لسانه بيتعوج برضه

طيب يا جابر ادخل على اليوتيوب واكتب حمدين

صباحى واعرف مين حمدين صباحى

انا مش هتكلم اكتر من كده

رد علي السؤال كان يقدر؟؟

والله ما هرد عليك بجد

لانه بالفعل كا اعلن انه هينزل الانتخابات

فى ظل وجود النظام الفاسد وكان متردد اسمه بقوه

من زمان هو وعمرو موسى وعمر سليمان

kazanova كتب:: والله ما هرد عليك بجد

لانه بالفعل كا اعلن انه هينزل الانتخابات

فى ظل وجود النظام الفاسد وكان متردد اسمه بقوه

من زمان هو وعمرو موسى وعمر سليمان

الي كانوا مترددين اسمهم البرادعي وسليمان ونور ده الي كانوا مترددين اساميهم

معلش انت مش متابع

وممكن اصلا متكونش عرفت حمدين صباحى غير

لما تردد اسمه فى الاونه الاخيره وده مش عيب

احنا مكانش مسموحلنا نعرف اى حاجه عن الناس المحترمه

kazanova كتب:: معلش انت مش متابع

وممكن اصلا متكونش عرفت حمدين صباحى غير

لما تردد اسمه فى الاونه الاخيره وده مش عيب

احنا مكانش مسموحلنا نعرف اى حاجه عن الناس المحترمه

ههههههههههه
ممكن برضه انا الي مش متابع وحد قال انه مش محترم ما الناس الي نازله كلها محترمه بس محدش قدر يعلن الترشح غير ايمن نور والبرادعي وابقي ابحث وشوف

مش مشكله يا جابر انا مش متابع

بس انت تعرف حمدين صباحى من امته

kazanova كتب:: مش مشكله يا جابر انا مش متابع

بس انت تعرف حمدين صباحى من امته

مسمعتش عنه كتير بس من فتره قليله

طيب وتعرف منين بقى اذا كان

تردد اسمه انه نازل الانتخابات ولا لا

ما اكيد علشان مسمعتش انه نازل الإنتخابات فهعرفه منيــن الي كانوا نازلين الإنتخابات اسمائهم اترددت في التلفزيون واتعرفوا والإسم ده متسمعش

مع العلم ان ايمن نور لم يذكر اسمه فى

اى وسيلة اعلام انا ناوى ينزل الانتخابات تانى

غير بعد رحيل النظام بس كان هناك تنبؤات بكده

وعمر سليمان شوهد له ناس فى القاهره تعلق له صوره

وتطالبه بترشيح نفسه وده اللى حصل مع عمرو موسى ايضا

وكانت هناك تنبؤات بترشيح حمدين صباحى

لكن مكانش فيه تأكيد من اى حد انه نازل الانتخابات

حتى البرادعى نفسه موقفه موضحش غير بعد الثوره

kazanova كتب:: مع العلم ان ايمن نور لم يذكر اسمه فى

اى وسيلة اعلام انا ناوى ينزل الانتخابات تانى

غير بعد رحيل النظام بس كان هناك تنبؤات بكده

وعمر سليمان شوهد له ناس فى القاهره تعلق له صوره

وتطالبه بترشيح نفسه وده اللى حصل مع عمرو موسى ايضا

وكانت هناك تنبؤات بترشيح حمدين صباحى

لكن مكانش فيه تأكيد من اى حد انه نازل الانتخابات

حتى البرادعى نفسه موقفه موضحش غير بعد الثوره

ما كل الي انت قولته ده صح بس صدقني حمدين صباحي مكنش في المذكورين
انما البرادعي مكنش موقفه واضح الا بعد الثورة ازاااااااااي؟؟؟؟؟؟
امال لما نزل السنه الي فاتت كان نازل يعمل ايه؟

وكان فين يا جابر لحد شهر 1\2011

ما هو خاف من نظامك وانطرد بره البلد

زمقدرش يفتح بوءه بعد ما قال انا نازل وهعمل وهسوى

رجع واختفى ومحدش سمع عنه

وعلى العموم انا مش نقطة اختلافى حمدين كان اعلن ولا ما اعلنش

انا اتكلم وانظر على شخص حمدين صباحى

kazanova كتب:: وكان فين يا جابر لحد شهر 1\2011

ما هو خاف من نظامك وانطرد بره البلد

زمقدرش يفتح بوءه بعد ما قال انا نازل وهعمل وهسوى

رجع واختفى ومحدش سمع عنه

وعلى العموم انا مش نقطة اختلافى حمدين كان اعلن ولا ما اعلنش

انا اتكلم وانظر على شخص حمدين صباحى

والحملات الي كان بيعملها يا عم باجوري تقولي كان فين؟؟؟؟
واحد اعلن الترشح وواجه النظام تقولي خاف وانطرد ازاااااااااي؟
كنت تتابع الحملات الي كان بيعملها واذا كان خاف او اتطرد ولا لأ وابقي اتكلم
للأسف يا باجوري الصحف والتلفزيون كانوا بينشروا الشائعات وخلاص مبتنشرش اي حاجه تاني

انا اسف ياعم جابر انا متابعتش

دكتور محمد البرادعى لانى مكنتش عاوز اعرف عنه حاجه

غير انى اعرف عنه الاشاعات بس اللى انا اعرفه كويس ان واحد

ناوى يمثل شعب 80 مليون شخص

وفضل فى فيينا الى شهر 1 \2011 والمفروض ان الانتخابات كانت

فى شه 11 من نفس السنه

kazanova كتب:: انا اسف ياعم جابر انا متابعتش

دكتور محمد البرادعى لانى مكنتش عاوز اعرف عنه حاجه

غير انى اعرف عنه الاشاعات بس اللى انا اعرفه كويس ان واحد

ناوى يمثل شعب 80 مليون شخص

وفضل فى فيينا الى شهر 1 \2011 والمفروض ان الانتخابات كانت

فى شه 11 من نفس السنه

وايه المطلوب انه يعمله ما في منظمين ليه وبيعرضوا عليه الأمر وهو يوافق او يرفض

وهو بره البلد اللى هيمسك فيها الحكم

kazanova كتب:: وهو بره البلد اللى هيمسك فيها الحكم

يعني ايه هو الي بره البلد الي هيمسك فيه الحكم؟ وضح اكتر

يا جماعه اللى انا شايفه من ارأكم ان على متحيز بشده لحمديين صباحى ومصطفي متحيز بشده للبردعي
والله كده ما هنوصل لحل كويس وبعديين في برنامج انتخابي والرئيس المقبل ان شاء الله لازم يتحاسب على كلامه
يبقي كلنا نشوف البرامج الانتخابيه ونختار اللى احنا شايفينه اصلح بالعقل وليس بالقلب لان العواطف مش هتنفعنا بعد كده ولازم كل واحد يتقبل رأى التانى مش يقعد يقوله انت مش متابع وانت مش عارف بكده عمرنا ما هتغير

THE LEADER كتب:

kazanova كتب:: وهو بره البلد اللى هيمسك فيها الحكم

يعني ايه هو الي بره البلد الي هيمسك فيه الحكم؟ وضح اكتر

يعنى هو هيكون عارف الشعب وعارف احتياجاته من بره البلد

ولا المنظمين بيقولوله طيب خلاص ما المنظمين هما كمان ينزلوا الانتخابات

MO3TAZ ENO كتب:: يا جماعه اللى انا شايفه من ارأكم ان على متحيز بشده لحمديين صباحى ومصطفي متحيز بشده للبردعي
والله كده ما هنوصل لحل كويس وبعديين في برنامج انتخابي والرئيس المقبل ان شاء الله لازم يتحاسب على كلامه
يبقي كلنا نشوف البرامج الانتخابيه ونختار اللى احنا شايفينه اصلح بالعقل وليس بالقلب لان العواطف مش هتنفعنا بعد كده ولازم كل واحد يتقبل رأى التانى مش يقعد يقوله انت مش متابع وانت مش عارف بكده عمرنا ما هتغير

والله يا وزه انا مش منحاز لصباحى بشده ولا حاجه

انا بس بوضح الصوره لجابر

وانا لحد ما هدخل اللجنه هكون لسه مقررتش هدى صوتى لمين

لازم فعلا اشوف برامج كل اللى مترشحين

واللى افضل للشعب وليا مش انا الاول يعنى

هو ده اللى يستحق ياخد الصوت

طبعا يا على ولازم كلنا نعمل كده

وده اللى هيحصل ان شاء الله

» محمود سعد ورأيه في الفنانين المعارضين للثورة
» حديث شوبير علي البرادعي
» حديث البرادعي عن الأسلحة النوويه في العراق