شيكابالا يصدم الزمالك ويطلب "الخلع"

في مفاجأه من العيار الثقيل

أبلغ
محمود عبدالرازق شيكابالا، مسؤولي الزمالك برغبته في الرحيل عن القلعة
البيضاء بنهاية الموسم الجاري، مؤكدا أنه يرفض محاولات تجديد تعاقده التي
يبذلها مسؤولو النادي في الفترة الحالية.

وأعلن شيكابالا عن رغبته
في الرحيل في حضور عدد من مسؤولي النادي الذين اجتمعوا الأربعاء لبحث عدة
قضايا أبرزها التجديد لهاني سعيد وحسن مصطفى علاوة على بحث أزمة التجديد
لشيكابالا وهي الجلسة التي استمرت لما بعد منتصف الليل.

وينتهي
تعاقد الفتي الأسمر مع القلعة البيضاء في شهر كانون ثاني/يناير القادم، ومن
حق اللاعب التوقيع لأي نادي في نهاية الموسم الجاري مما قد يدفع الزمالك
لبيعه من أجل الاستفادة ماديا من وراء بيعه.

وأكد شيكابالا خلال
الجلسة التي عقدت في النادي الأبيض، أنه يمتلك عروضاً خارجية من أندية
بلجيكيه وفرنسيه وألمانية، ويسعى لحسمها خلال الفترة الحالية، حيث أن تجربة
الاحتراف الخارجي تراوده بشدة ويسعى لخوضها.

صدمة

وجاء رد
شيكابالا ليتسبب في صدمة لمجلس إدارة النادي الذي كان يسعى لتشكيل لجنة
رباعية، تضم التوأم حسن، وطارق غنيم وعبدالله جورج عضوي المجلس، لمفاوضة
شيكابالا لتجديد تعاقده.

وأصبح التجديد للاعب في الفترة الحالية
أمراً غاية في الصعوبة حيث أن اللاعب متمسك بالحصول على مبلغ سبعة ملايين
جنية مصري في الموسم الواحد، وهو نفس الاتفاق الذي كان قد تم بين اللاعب
ومجلس إدارة النادي السابق برئاسة ممدوح عباس، وهو مبلغ يرهق خزينة النادي
التي تعاني أزمة مالية طاحنة.

ورفض لاعب الزمالك الجلوس مع اللجنة
الرباعية التي تم تشكيلها، متمسكا بموقفه في الرحيل للاحتراف الخارجي، أو
التجديد وفقا للشروط المالية التي وضعها من قبل، مؤكدا خلال الجلسة أنه لا
يوجد مجال للمناقشة في التجديد، حيث أن الشروط واضحة والخيار لمجلس إدارة
الزمالك.

يا ابنى والله احسن لك شوف مستقبلك بره على الاقل هتكسب خبرات وهتبقي اعلى من كده بكتيييييييييييييييييير

جتك نييييله

روح في داهيه .. ميتين عليك .؟؟

ربنا يوفقه في اي مكان

منوريين التوبيك
بس والله مش علشان الزمالك بس فعلا يا درش هو لازم يشوف مستقبله بره مصر

والله يا وزة انا بتمني لكل المصريين تحترف علشان تفيد المنتخب

والله تمام يا درش
على الاقل المنتخب يبقي في لاعيبه كتيير عنهم خبرات
زىالمنتخابات التانيه ده منتخب نيجيريا مش في ولا لاعب بيلعب في الدورى النيجيري

مهو كل واحد عايز يبقى افضل واحسن يخرج برا مصر

ما شااء الله

مش بالفكره دى يا همس بس في مجال الكوره بالزات يعني افضل ليه انه يلعب في دروى عالمى او فريق بره مصر افضل ليه ماديا وجماهيريا
وكمان هيبقي اضافه للمنتخب المصري طبعا

خير ان شاااء الله

اكيد طبعا يا همس لما يحترف بره خبرته هتزيد وامكانياته هتعلي

طبعا وخصوصا لاعب مهارى زى شيكا وده اللى محدش ينكره مكانه في دروى عالى يفيد ويستفيد كتييير

مع السلامه ياعم

لاعب جامد بس مفيش اخلاق ياوزه يعني مفيش كوره

وربنا معاه

nice tobic ya weza

بره يا اوس الاخلاق ملهاش دعوه بالملعب ومفيش لاعب ليه دعوه بالجماهير وعندك مثال كريستيانو رونالدو واللى الجمهور بيعمله معاه
انما فعلا شيكا لاعب جامد احسن لاعب في مصر في الفتره الحاليه هو ولو احترف افاده ليه وللمنتخب المصري

ومنور يا اوس

» العميد يمنع شيكابالا من الاحتفال مع جماهير الزمالك
» شباب الزمالك يهزمون الأوليمبي بمشاركة شيكابالا
» شيكابالا يمتثل للعقوبة وجاسر يرأس بعثة الزمالك في الإمارات